Tuesday, November 26, 2019

កំពូលតារាចម្រៀងល្បីៗលំដាប់ប្រទេសជាច្រើនរូប បានមានវត្តមានក្នុងការប្រគំតន្រ្តីសប្បុរធម៌សាលា តិចណូលើកទី៧


កំពូលតារាចម្រៀងល្បីៗលំដាប់ប្រទេសជាច្រើនរូប បានមានវត្តមានក្នុងការ

ប្រគំតន្រ្តីសប្បុរធម៌សាលាតិចណូលើកទី៧

ក្រុមតារាចម្រៀងល្បីៗប្រចាំប្រទេសកម្ពុជា
          តារាចម្រៀងប្រុសស្រីក្នុងប្រទេសកម្ពុជាជាច្រើនរូបបានមានវត្តមានក្នុងព្រឹត្តិការណ៍

          ពិព័រណ៍ និងការប្រគំតន្រ្តីសប្បុធម៌ ដែលបានធ្វើឡើងនៅវិទ្យាស្ថានបច្ចេកវិទ្យាតិច
          ណូជារៀងរាល់ឆ្នាំ ដែលមានរយះពេល៧ឆ្នាំហើយ នេះជាលើកទី៧ ដែលរៀបចំ
          ឡើងដោយនិស្សិតរបស់សាលាតិចណូនេះតែម្ដង ។ 


          កម្មវិធីនេះ បានធ្វើឡើងនៅថ្ងៃទី២៣-២៤​ ខែវិច្ឆិកា ឆ្នាំ២០១៩ ដែលមានការ
    
          សម្ដែងជូននូវទម្រង់របាំ បុរាណខ្មែរ ការបង្ហាញម៉ូត ការបង្ហាញទស្សនីយភាព
          ជាច្រើនទៀត ហើយក៏មានការតាំងពិព័រណ៍ជាច្រើន និងលេងការលេងហ្គេម
          យករង្វន់ទៀតផង ។  កាន់តែពិសេសនោះ គឺការបង្ហាញនូវក្បាច់រាំ  និងចម្រៀង
          ពីសំណាក់តារា​ ល្បីដូចជា៖ អ្នកនាង ម៉េង កែវពេជ្ជតា, លោក ឆន សុវណ្ណរាជ, 
          កញ្ញា ពេជ្រ សោភា , អ្នកនាង សុគន្ធនិសា, កញ្ញា សុខស៊ី ឡាលីន, ព្រះនាង
          តូច នរោត្តម ជេណា, លោក ហ្សូណូ, លោក អ៊ីណូ ព្រមទាំងតារាល្បីជា
          ច្រើនរូបទៀត។ គួរជម្រាបថា កម្មវិធីពិព័រណ៍ និងតន្រ្តីសប្បុរធម៌លើកទី៧
          ក្នុងឆ្នាំ២០១៩នេះ មិនត្រឹមតែបង្កើតនូវបរិយាកាសសប្បាយរីករាយនោះ
          ទេ គឺកម្មវិធីនេះធ្វើឡើងក្នុងគោលបំណងដើម្បីរៃអង្គាសថវិកា ជួយដល់
          និស្សិតសាលាតិចណូ និងកុមារដែលកំពុងខ្វះខាត ក្នុងការសិក្សានៅតាម
          តំបន់ដាច់ស្រយាល និងសាងសង់អាគារសិក្សាថ្មីមួយខ្នងដល់សាលាបឋម
          សិក្សា អូរក្រញូង ដែលស្ថិតនៅភូមអូរក្រញូងស្រុកសន្ទុក ខេត្តកំពង់ធំ។








Monday, November 18, 2019

អត្ថប្រយោជន៍នៃអង្ករសម្រូប


          

      តើអ្នកធ្លាប់ញាំអង្ករសម្រូបដែរឬទេ? តាមពិតវាមានប្រយោជន៍ចំពោះសុខភាពខ្លាំងណាស់!!

 ជាពិសេសអ្នកមានជំងឺទឹកនោមផ្អែម

អង្ករសម្រូប
                             មនុស្សភាគច្រើនតែងតែបរិភោគអង្ករសម្រិតច្រើនជាងអ្នកដែលបរិភោគអង្ករសម្រូប ដោយសារតែភាព
                             ខុសគ្នានៃរូបរាង និងពណ៌របស់វា។ បើទោះបីជាអង្ករសម្រិតឬអង្ករពណ៌សដែលមើលទៅគួរអោយទាក់
                             ទាញជាងអង្ករសម្រូបឬអង្ករពណ៌ត្នោតវាមិនមែនមានន័យថាវាជាជម្រើសល្អសម្រាប់អ្នកនោះទេ។ តើ
                             អ្នកដឹងទេថា អង្ករសម្រូបគឺជាជម្រើសដ៏ល្អបំផុតទាក់ទងនឹងអាហាររូបត្ថម្ភ និងអត្ថប្រយោជន៍សុខភាព?
                             អ្នកនឹងដឹងកាន់តែច្បាស់បន្ទាប់ពីអានអត្ថបទមួយនេះ៖

                             ១. សំបូរទៅដោយសារធាតុប្រឆាំងអុកស៊ីតកម្ម នេះជាអាថ៌កំបាំងមួយដ៏ល្អនៃអង្ករសម្រូប ដែលអាច
   
                             ជួយប្រឆាំងអុកស៊ីតកម្មក្នុងបន្លែផ្លែឈឺបានយ៉ាងល្អ។

                             ២.​ អាចជួយសម្រកទម្ងន់ ជាតិសរសៃនៃអង្ករសម្រូបអាចរក្សាមុខងារពោះវៀនបានល្អ ព្រោះវាធ្វើអោយ

                             ការរំលាយមានភាពងាយស្រួលជាងមុន។​ វាគឺជួយអោយរបបអាហារប្រចាំថ្ងៃមានភាពទៀងទាត់ និងធ្វើ
                             អោយអ្នកមានអារម្មណ៍ថាមានថាមពលគ្រប់ពេល។
                                 
                             ៣. មានជាតិសរសៃខ្ពស់  សរសៃទាំងនេះភ្ជាប់ទៅនឹងសារធាតុដែលបណ្ដាលអោយមានជាតិពុលក្នុងខ្លួន 
                    
                             និងអាចជួយការពារជំងឺមហារីកពោះវៀន។
                     
                             ៤. កម្រិតជាតិស្ករក្នុងខ្លួនមានស្ថេរភាព វាជាជម្រើសអាហារដ៏ល្អសម្រាប់អ្នកដែលមានជំងឺទឹកនោមផ្អែម។

                             ៥. បន្ថយកូឡេស្តេរ៉ុល វាជាផ្នែកមួយ ដែលអាចជួយបន្ថយកម្រិតកូឡេស្ដេរ៉ុលអាក្រក់ក្នុងរាងកាយបាន។

                             ៦. សំបូរជាតិសេលេញ៉ូម ដែលអាចជួយកាត់បន្ថយហានិភ័យក្នុងការវិវត្តទៅជាជំងឺទូទៅដូចជា​មហារីក
                   
                             ជំងឺបេះដូង និងជំងឺរលាកសន្លាក់។
                                  
                             អង្ករសម្រូបត្រូវបានគេចាត់ទុក្ខជាឳសថព្យាបាលជំងឺ និងអត្ថប្រយោជន៍ជាច្រើនយ៉ាងដល់សុខភាពអ្នកដែល
       
                             អ្នកទទួលទានជាប្រចាំថ្ងៃ។ នៅក្នុងអង្ករសម្រូប១ពែងកាហ្វេផ្ដល់ឲ្យរាងកាយនូវម៉ង់កាណែលប្រមាណជា៨០
                                                                                          ​ 
                             ភាគរយនៃតម្រូវការប្រចាំថ្ងៃ។ ម៉ង់កាណែលមានទួនាទី​ជួយបង្កើតខ្លាញ់កូឡេស្ដេរ៉ូលល្អ។



Thursday, April 25, 2019

About myself

                   
                     
  ជំរាបសួរ !​ សូម​ស្វាគមន៍​មក​កាន់​ប្លុក​របស់​ខ្ញុំ​។​ នាង​ខ្ញុំ​ឈ្មោះ​ ហ៊ាន ស្រីហាង ជា​និស្សិត​ឆ្នាំ​ទី​១​ផ្នែក​សិល្បះ​ និង​ ការ​សិក្សា​អំពី​ព័ត៌មាន​ ក្នុង​មហា​វិទ្យាល័យ​ ព័ត៌​មាន​និង​គមនាគមន៍ នៃ​សាកល​វិទ្យាល័យ​កម្ពុជា​។ ខ្ញុំ​បាន​បញ្ចប់​សញ្ញាបត្រ​មធ្យម​សិក្សា​ទុតិយភូមិ​នៅ​ឆ្នាំ​ ២០១៨​។ នាង​ខ្ញុំ​ជា​កូន​ពៅ​នៅ​ក្នុង​គ្រួសារ​ ដែល​មាន​បងប្អូន៣នាក់ ។ ឆ្នាំ​នេះ​ខ្ញុំ​មាន​អាយុ​១៨​ឆ្នាំ ​មាន​ទី​កន្លែង​កំណើត​នៅ​ខេត្ត ​ព្រៃវែង​។ មូល​ហេតុ​ដែល​ខ្ញុំ​ជ្រើស​រើស​រៀន​ជំនាញ​នេះ​ដោយ​សារ​ថ្ងៃ​អនាគត​ខ្ញុំ​ចង់​ធ្វើ​ជា​អ្នក​សារព័ត៌មាន​ម្នាក់​។ ពេលទំនេរខ្ញុំចូលចិត្ត ស្រាវជ្រាវរឿងរ៉ាវថ្មីៗតាមបណ្ដាញសង្គម និង​មើល​ភាពយន្ត ​។  ខ្ញុំ​ជា​មនុស្ស​ម្នាក់​ដែល​ស្ងៀមស្ងាត់​មិន​និយាយ​ច្រើន​ប៉ុន្មាន​ទេ ​ហើយ​ក៏​មិន​ចេះ​លេង​សើច​ច្រើន​ដែរ​(​កំពុង​តែ​កែ​ទម្លាប់​ទាំង​នេះ​)។ សូមអរគុណ!